Berichte Events Guides Überraschungstour 2010 - 10.04.
| Guides Überraschungstour 2010 - 10.04. |
 |
 |
Heit haumas endli gschoafft, das de erschte „Geids Übaroaschungsdur" z´stand kumma.is. De letzte hauma e gschmiss´n, wei s´Weda woar so g´schissn! Des Moi san ma glei in a aundare Gegnd gflitzt zu an liab´n Glubkollegn ausse auf Neimarkt, wei da Peta hoat in Geid spüln derfn. Da woarn ma jetzt, da Ernst, da Fritz, da Lois, da Karl, da Peter Guide, da andere Peter, da Sigi, da Werner, da Kollege vom Peter Guide und natürlich in Peter Guide sei Frau. Augfaungd´ hoats schau a moi mit Vaspätung, wei da Werna mit sein Navi do net in nei Minut´n doa woar. Des Woartn hat in Kollegn vom Peter Guide schau a moi net passt, drum hoat er glei s´Handtuach gschmissn und is wieda hoam teifelt. Scheiss woart´n! Mia haum joa net gwusst, ob da Werna min Navi net umgeh koa oder des Navi de Uhr net kennt, weis schau a weng dauert hoat, bis da Werna kuma is. So, g´schart sama in Neimoarkt, in da Hoamat vum Peta, daun is üba Beiabauch Richtung Neukircha am Wesn ume ganga, durt sama ca 300 Höhnmeta owe deifelt zur Donau. De Donau sama a Schdüke aufe glüht, wei laungsaum foama ja ned, mia Schwaunasteda. In Engehartszell hoat se da Friz an Moagnbitta kauft, zum beicht´n haot a koa Zeit ghabt, des muas a dahoam doa. Ob in Friz da Moagnbitta über de 440 Höhnmeta vu Kilometa 36 bis Kilometa 46 vu da Donau aufe gholfn hoat, kau i net soagn. Auf ole Fälle san ma daun gaunz locka bis Neimoarkt hoam groid. So ungefär hätts glunga, waun ma a schens Weda ghabt hätn. Ja und dann hauma de Frau vum Petan Geid wieda braucht, wei irgend wer muaß ja bei da Kaffemaschien steh und uns Teoretika bedina, wei da Peta Geid hoat uns ja de Schtrekn am Lepdop tzoagn miassn. Sche wanns gwen, de 80 Kilometa und 1190 Höhnmeta. – owa des Weda woar so gschissn! Und jetzt woas i a, warum da Lois des Ral´ vagessn hoat. Tour Neumarkt im Hausruckkreis – Engelhartszell – Neumarkt ca. 80,2 km, 1190 Hm und etwas hügelig, auf Bikemape.net http://www.bikemap.net/route/430018#lt=48.29153&ln=13.71008&z=13&t=2 Info:Tour wird wahrscheinlich nachgeholt. zur Fotogalerie >
|
|||||
